L'URTEMA SAGLIUTA

L’urtema sagliuta
(alla maniera di S. Di Giacomo)

Chiano chiano
mont’ a china.
Chino chino
saglie su.

Mont’ a china
da Tuleto,
chiano chiano.
E nun saglie cchiù.

“Ti si’ fatt'
vicchiariell',
né, Pasquà,
nun cant' cchiù?”

Va pensanno, arrecurdanno.
Chiano chiano e nun saglie cchiù.

So’ vent’ann'. “E mo che d’è?
assettatevi, Pasquale”.
“Ma Adelina mia nun c’è?”

“‘A vulite ‘na pizzella?”
“Ma Adelina mia nun c’è?”
“’A tenite ‘na scarsella?”
“Nun ne tengo, tengo cchiù”.

Va pensanno, arrecurdanno.
Chiano chiano e nun saglie cchiù.

“Mò te siento, Adelina,
mò te parlo, parli tu?
T’arritruovo dint’o viento
‘na carezza ‘a bbuo dà tu?”

“Don Pasquà, ma ca tenite?
Don Pasquale… oddio currite!
Nina, Antò, Lucia, venite…
nun respira, parla cchiù”.

Va pensanno, arrecurdanno.
Chiano chiano e nun saglie cchiù.

Mò Pasquale sta int’o viento,
da Tuleto saglie su.
Tutt''e llacreme chiagnute
s’è scurdate. Nulla cchiù.

Va pensanno, arrecurdanno.
Chiano chiano e nun saglie cchiù